الحمد لله يارجاله التوكيل كلمنى النهارده ان العربيه اللوجان المانيول الفول اوبشن وصلت بالسلامه وهروح استلامها يوم الاحد باذن الله دعواتكم يا رجاله
ملحوظه هامه جدااا مندوب الشركه اللى كلمنى قالى ان سعر العربيه هيزيد من 1-1-2013
الحمد لله يارجاله التوكيل كلمنى النهارده ان العربيه اللوجان المانيول الفول اوبشن وصلت بالسلامه وهروح استلامها يوم الاحد باذن الله دعواتكم يا رجاله
ملحوظه هامه جدااا مندوب الشركه اللى كلمنى قالى ان سعر العربيه هيزيد من 1-1-2013
ألف ألف مبروك مقدماً :)
مبروك مقدما يا باشا ..
الف مبروك
الف مبروك يا باشا مقدما وربنا ان شاء الله يباركلك فيها طب كده بقى الشحنة كلها وصلت يعنى فى امل استلم انا كمان انا حاجز من عند السبع ولا دى شحنة مختلفة عن دى
مبروك :] المندوب قال فرق السعر كام وهل هيفرق مع اللي حجز خلاص؟
أعتقد إن إنت بتدفع على حسب سعر السيارة في تاريخ الإستلام وليس تاريخ الحجز .
أنا حاجز سانديرو مانيوال من شهر 10 , وسعرها زاد 2000 جنيه :(
الله يبارك فيكم يا رجاله واحنا يا جماعه بندفع تمن العربيه زى سعرها وانت بتستلمها يعنى لو زادت بتدفع الزياده لاننا مش مضينا عقود بتنص على تثبيت السعر انما ده حجز فقط وربنا يوفقنا اجمعين والكل يستلم عربياته عما قريب
طيب طمنا يا باشا انت استلمت النهاردة وايه النظام معاك
لا والله مرحتش النهارده انا هروح بكره باذن الله لان الشغل معرفتش اخد اجازه الا بكره هروج استلم قبل ما السعر يزيد وهبقى اطمنكم باذن الله
اقتباس:
المشاركة الأصلية كتبت بواسطة mhh_hamed
انا حاجز عند السبع برده والشحنه فعلا وصلت ( شحنه مصر كلها بتيجي مع بعض أصلا ) وقالي ربنا يسهل كده واستلم بعد بكره ان شاء الله
مبروك مقدما يا باشا
ياجماعه انا الحمد لله استلمت النهارده العربيه لوجان مانيوال فول اوبشن من فرع المقطم والناس هناك محترمين اوى لقيت نفس اللون اللى اخترته البترولى الحمد لله وجت العربيه وشيكت على كل حاجه وورونى كل حاجه وخلصت الاجراءات وروحت بيها الحمد لله والعربيه جميله جدا الحمد لله والعربيه هتزيد من اول بكره اذن الله الفين جنيه وربنا يكرم الجميع
ألف مبروك يا باشا :) ربنا يباركلك فيها ويفرحك بيها يا رباقتباس:
المشاركة الأصلية كتبت بواسطة abusamra41
ياريت لو ينفع تقولي عملت إيه من ساعة ما دخلت لغاية ما خرجت عشان معنديش فكرة خالص http://www.nilemotors.net/Nile/327100-a.html
الله يبارك فيك وعقبالك انا اولا حاجز ف التوكيل فرع المقطم انا مندوب المبيعات كلمنى من اليوم الخميس وقالى تعالا على يوم الاحد او الاتينن بالكتير عشان العربيه سعرها هيغلى من اول يوم التلات اللى هوه 1-1-2013 فتوكلت على الله ورحت النهارده الحمد لله اول حاجه طبعا دفعت بقيه فلوس العربيه فى الخزينه وبعد كدا العربيه كانت جت من المخزن المندوب عملى بير للموبيل مع البلوتوث اللى ف الكاسيت وبعد كدا الفنى قعد معايا ورانى الكتالوجات والعربيه من جوه ومن بره ورقم الماتور والشاسيه والكبوت والشنطه الحاجات اللى فيها وبعد كدا اخدت ورقه المبايعه من الشركه ليا والافراج الجمركى وبعد كدا اخدت عريبتى وتوكلت على الله وربنا يباركلى فيها ويرزقنى فيها بكل خير ويبعد عنى شرها اللهم امين وكل سنه وانتم طيبيناقتباس:
المشاركة الأصلية كتبت بواسطة khaled online
اللهم آمين وإن شاء تاخد منها كل اللي انت عايزه :) بس كده انت اللي هتخلص ورقها بكره بس هتمشي ازاي من غير نمر؟ فيه زمايل لينا عالمنتدى كتبوا قصص حزينة إن العربية اتوقفت ومواقف مش ظريفة بسبب الموضوع دهاقتباس:
المشاركة الأصلية كتبت بواسطة abusamra41
ربنا ستار وانا ان شاء الله هروح ارخصها بكره باذن الله ومعايا كل الورق المبايعه والافراج الجمركى واللى يوقفنى اوريله الورق هيلاقيه بتاريخ امبارح وانا ف السكه هرخص وربنا يسترها معانا اجمعين
اللهم آمين وبالتوفيق . الموضوع ده يفيدك :)اقتباس:
المشاركة الأصلية كتبت بواسطة abusamra41
http://www.nilemotors.net/Nile/319591-3.html
1000 مبروك انضمامك للوحوش . و ربنا يديك خيرها و يكفيك شرها . آمين .
ألف ألف مبروك يا باشا ربنا يديك خيرها و يكفيك شرها
أنا شفت النهاردة على .......cars ان سعرها زاد 2000 جنية
بقت ب ٧٤٬٥٠٠
وائل الشيشيني